బ్యాంక్ కస్టమర్లకు అలర్ట్. కేంద్ర ప్రభుత్వం బ్యాంకులకు సంబంధించి కీలక నిర్ణయం తీసుకుంది. ప్రభుత్వ రంగ బ్యాంకులను విలీనం చేస్తున్నట్లు ప్రటించింది. దీంతో దేశంలో ఈ బ్యాంకుల సంఖ్య 27 నుంచి 12కు దిగిరానుంది.

ఏ ఏ బ్యాంకుల ఎందులో విలీనం కాబోతున్నాయో చూడండి..
ఇండియన్ బ్యాంక్‌ను అలహబాద్ బ్యాంక్‌‌తో విలీనం చేయనున్నారు. దీంతో 7వ అతిపెద్ద ప్రభుత్వ బ్యాంక్ ఆవిర్భవిస్తుంది.
పంజాబ్ నేషనల్ బ్యాంక్ (పీఎన్‌బీ), ఓరియెంటల్ బ్యాంక్ ఆఫ్ కామర్స్ (ఓబీసీ), యునైటెడ్ బ్యాంకులు కలిసిపోనున్నాయి. పీఎన్‌‌బీ ఈ బ్యాంకుల కార్యకలాపాలు చూసుకుంటుంది. తొలిగా విలీనం అయ్యే బ్యాంకులు ఇవే.
యూనియన్ బ్యాంక్ ఆఫ్ ఇండియా, ఆంధ్రా బ్యాంక్, కార్పొరేషన్ బ్యాంక్‌లు వీలినం అవుతాయి. దీంతో 5వ అతిపెద్ద ప్రభుత్వ రంగ బ్యాంక్ ఆవిర్భవిస్తుంది.
కెనరా బ్యాంక్, సిండికేట్ బ్యాంకులను వీలీనం చేస్తారు. దీంతో 4వ అతిపెద్ద ప్రభుత్వ రంగ బ్యాంక్ ఏర్పడుతుంది.
2017లో 27గా ఉన్న ప్రభుత్వ రంగ బ్యాంకుల సంఖ్య రానున్న రోజుల్లో 12కు తగ్గిపోతుంది.