కరోనా కేసుల్లో ఇటలీని దాటేసిన ప్రపంచంలో ఆరో స్థానానికి భారత్.

దేశంలో కొవిడ్‌ విలయ తాండవం కొనసాగుతోంది. రోజురోజుకూ కేసులు రికార్డు స్థాయిలో
పెరుగుతున్నాయి. ప్రపంచంలోనే కరోనాతో అతలాకుతలమైన దేశాల్లో ఇటలీ ఒకటి. కానీ ఇప్పుడు
కరోనా బాధితుల సంఖ్యలో ఆ దేశాన్ని కూడా మనం దాటేశాం. శుక్రవారం నాటికి ఇటలీలో 2.34
లక్షల కేసులు ఉండగా, ప్రస్తుతం భారత్‌లో బాధితుల సంఖ్య 2.36 లక్షలు దాటింది. దీంతో
కరోనా కేసులు అత్యధికంగా ఉన్న దేశాల జాబితాలో భారత్‌ ఆరో స్థానానికి చేరింది.
తాజాగా 24 గంటల్లో మరో 9వేల మందికిపైగా వైరస్‌ నిర్ధారణ అయ్యింది. గడచిన 24 గంటల్లో
మునుపెన్నడూ లేనంతగా 295 మంది బలయ్యారు.

ఢిల్లీ నిర్ధారణ పరీక్షలు చేయించుకుంటున్నవారిలో సగటున ప్రతి నలుగురిలో
ఒకరకి పాజిటివ్‌గా తేలుతుండటం ఆందోళన కలిగిస్తోంది