నేడు ఎక్కడ చూసినా కరోనానే రాజ్యమేలుతుంది. దీంతో ఈ వైరస్ బారిన పడకుండా
తప్పించుకునేందు ప్రతి ఒక్కరూ తాజా ఆహారం, వేడిగా వండిన తీసుకోవడం మంచిదని
చెబుతున్నారు.ఇలాంటి విపత్కర సమస్యను మనం ఎదుర్కోవాలంటే మనం మన రోగ నిరోధక శక్తిని
పెంచుకోవాలి. అందుకోసం ఇంట్లోనే కొన్ని హోమ్ రెమిడీస్‌ని ట్రై చేయొచ్చు. దీని
వల్ల జలుబు వంటి సమస్యలను దూరం చేసుకోవచ్చు.
ఆయుర్వేదం ప్రకారం రోగ నిరోధక శక్తిని పెంచుకునేందుకు ఎన్నో మార్గాలు ఉన్నాయని
చెబుతున్నారు నిపుణులు డాక్టర్. గిరిధర కాజి. డాక్టర్ కెర్ ప్రకారం హోమ్
రెమిడీస్, మూలికల నుంచి తయారు చేసుకున్న డికాషన్‌ని తీసుకోవడం ద్వారా కరోనా వంటి
సమస్యలు దూరం అవుతాయి. ఇప్పుడు మనం కరోనా వైరస్ నుంచి మనల్ని మనం ఎలా
కాపాడుకోవాలో తెలుసుకోందాం..
మన చుట్టూ ఉన్న వాతావరణం మారినప్పుడు మన శరీరం కూడా ఆ ప్రభావానికి ఆరోగ్య సమస్యలు
ఎదురవుతాయి. అలా కాకుండా ఉండాలంటే మన శరీరాన్ని మనం ఆరోగ్యంగా ఉంచుకోవడానికి
సిద్ధం చేసుకోవాలి. వర్షాకాలం, శీతాకాలంలో వాతావరణం ఎక్కువగా చ్లగా ఉంటుంది. ఈ
సమయంలోనే జలుబు, దగ్గు, జ్వరాల వంటి సమస్యలు ఎదురువుతాయి.
అయితే జలుబు, జ్వరం, దగ్గు ఉన్నంత మాత్రాన అది కరోనా అనుకుంటే తప్పే కాబట్టి. మన
భద్రత కోసం మన ఇంట్లోనే కొన్ని ముందు జాగ్రత్త చర్యలు తీసుకోవాలి.
అందులో భాగంగా ముఖ్యంగా మనం చేయాల్సిన పనిన ఏంటంటే.. వేడి నీరు తాగడం అలవాటు
చేసుకోవాలి. ఇందుకు ముందుగా కొద్దిగా నీరు తీసుకుని వేడి చేయాలి. అందులో ఇప్పుడు
నాలుగు లేదా ఐదు పిప్పరమెంట్ ఆకులు లేదా ఓ అల్లం ముక్క, లేదా లవంగం వేసి రెండు
నిమిషాలు వేడి చేయండి.. ఇది రోజూ ఉదయం చేసుకోండి..
మామూలుగా నీటిని తాగేబదులు ఈ నీటిని తాగుతుండండి. ఇలా చేయడం వల్ల జలుబు, దగ్గు
వంటి సమస్యలు వర్షాకాలంలో దరిచేరవు. ఇంట్లో ఉండే చిన్నారులని కాపాడేందుకు కూడా ఈ
నీటిని తాగిస్తూ వారిని కాపాడండి. ఎందుకంటే నేడు చిన్నపిల్లల్లోనూ కరోనా వైరస్
ఇన్ఫెక్షన్లు పెరుగుతున్నాయని గుర్తించాలి. అందుకే వారిలో రోగ నిరోధక శక్తిని
పెంచాలి. నేడు కరోనా వైరస్ అనేది చిన్న, పెద్ద అనే తేడాలేదు.
మొదటి టిప్..
ముందుగా పిప్పరమెంట్ తీసుకోండి.. దుకాణాల్లో దొరుకుతుంది. దీనిపై కాస్తా తేనె
రాసి చిన్నపిల్లల నాలుకపై రాయండి.. పిల్లలు మాత్రమే కాదు.. పెద్దలు కూడా ఈ టిప్
పాటించొచ్చు. ఇలా చేయడం వల్ల ఇమ్యూనిటీ పెరగడమే కాదు.. శ్వాసకోశ కరోనా వైరస్
నుంచి రక్షించే సామర్థ్యం శరీరానికి లభిస్తుందని నిపుణులు చెబుతున్నారు.
ఎర్ర ఉసిరిక.. ఇది మూలికల దుకాణాల్లో దొరుకుతుంది. ఆయుర్వేదం ప్రకారం.. దీనిని
వాడడం వల్ల ఎన్నో ఆరోగ్య సమస్యలు తగ్గిపోతాయి. దీనిని ఉపయోగించడం కూడా చాలా ఈజీ..
ఇప్పుడు ఈ మూలికను బాగా కడిగి ఓ లీటర్ నీరు మరుగుతుండగా అందులో వేసి ఉడికించాలి.
పావుగంట వరకూ బాగా మరిగించాలి. ఇప్పుడు ఇందులో టీ స్పూన్ మిరియాలు, కొద్దిగా
బెల్లం, అరచెక్క నిమ్మరసం వేసి గోరువెచ్చగా ఉన్నప్పుడు తాగాలి.
ఇలా చేయడం ద్వారా జలుబు, దగ్గు, జ్వరం వంటి సమస్యలు దూరం అవుతాయి. అంతేకాదు చలి
కూడా తగ్గి ఛాతి నొప్పులు కూడా రావు. అయితే ఈ టీని రెండు రోజులు సాయంత్రం తాగాలి.
రెగ్యులర్‌గా తాగడం మంచిదికాదని చెబుతున్నారు. వర్షాకాలంలో 12 రోజులకోసారి ఈ టీని
తాగుతుంటే జలుబు, దగ్గు వంటి సమస్యలు దూరం అవుతాయి.
రెండో టిప్..
చిన్న అల్లం ముక్క, 10 మిరియాలు, అర టీ స్పూన్ పసుపు, 1 టీ స్పూన్ జీలకర్ర
కొద్దిగా నిమ్మరసం.. వీటన్నింటిని లీటర్ నీటిలో పావు వంతు వచ్చేవరకూ మరిగించాలి.
ఇది శరీర రోగనిరోధక వ్యవస్థని బలంగా మారుస్తుంది. ఇక్కడ ఓ విషయం గమనించాలి..
కరోనా వైరస్ అనేది షూ, చెప్పుల ద్వారా కూడా వ్యాపిస్తుంది. కాబట్టి ప్రతి ఒక్కరూ
జాగ్రత్త వహించాలి.
మూడో టిప్..
మూడో ముఖ్య విషయం ఏంటంటే.. పిల్లలు, పెద్దవాళ్ళు ఎవరైనా సరే మామూలుగా మధ్యాహ్నం ఓ
అరగంట పడుకుంటే పర్లేదు కానీ, జలుబు, దగ్గు, కఫం వంటి లక్షణాలు ఉన్నప్పుడు
మధ్యాహ్నం పడుకుంటే గుండెల్లో మంట పెరుగుతుంది. ఇది లేనిపోని సమస్యలకి దారి
తీస్తుందని చెబుతున్నారు నిపుణులు. కరోనా వైరస్ దృష్టి ద్వారా వ్యాపిస్తుందా..
ఇలాంటి విషయాలు తెలుసుకోండి..
