పెరుగు తింటే ఇమ్యూనిటీ పెరుగుతుందా..టాప్ 7 జింక్ రిచ్ ఫుడ్స్ గురించి తెలుసుకుందాం.

ప్రజెంట్ ఇమ్యూనిటీ పవర్‌ని పెంచుకోవాల్సిన అవసరం ఎంతైనా ఉంది. అందుకోసం ప్రతి
ఒక్కరూ విటమిన్ సి ఎక్కువగా ఉండే ఆహారం తీసుకునేందుకు ఆసక్తి చూపుతున్నారు. దీని
వల్ల రోగనిరోధక వ్యవస్థ శరీరానికి ఫ్లూ వంటి ఇన్ఫెక్షన్లతో పోరాడడానికి ఎంతగానో
సాయపడుతుంది. కానీ ఇక్కడ విటమిన్ సి మాత్రమే సాయం చేస్తుంది అనుకోవడం పొరపాటే. మన
రోగనిరోధక శక్తిని నడిపించడంలో జింక్ కూడా ముఖ్యమైన పాత్ర పోషిస్తుందని
న్యూట్రిషనిస్టులు సూచిస్తున్నారు. జింక్ రోగనిరోధక కణాల పనితీరుని పెంచడంతో
పాటు, వాటిని బలోపేతం చేయడానికి సాయపడే ముఖ్యమైన ఖనిజం కూడా. క్రమంగా మీ డైట్‌లో
జింక్ ఫుడ్ ఐటెమ్స్‌ని పెంచుకోవచ్చు.

జింక్-రిచ్ ఫుడ్స్:

1.పుచ్చకాయ విత్తనాలు :

మీరు పుచ్చకాయను తినే సమయంలో, దాని విత్తనాలు పారేయొద్దు. పుచ్చకాయ విత్తనాలు
జింక్ ఖనిజానికి మంచి వనరు అని చెప్పొచ్చు. ఈ విత్తనాలలో జింక్‌తో పాటుగా,
పొటాషియం, రాగి వంటి ఇతర సూక్ష్మ పోషకాలు కూడా ఉంటాయి. వారానికి 2 నుండి 3 సార్లు
సగం టీస్పూన్ పుచ్చకాయ విత్తనాలను తీసుకోవడం మంచిది. అంతేకాకుండా ” మీరు ఈ
విత్తనాలను ఎండబెట్టి, స్నాక్స్‌గా తినొచ్చు. లేదా వాటిని పొడి చేసుకుని మీ
భోజనంలో కూడా చేర్చుకోవచ్చు. పుచ్చకాయ విత్తనాలు రోగనిరోధక శక్తిని పెంచడంలోనే
కాకుండా, గుండె ఆరోగ్యానికి, రక్తంలో చక్కెర స్థాయిలని సరిగ్గా ఉండేలా చేస్తాయి.

2.చేప :

జింక్ లభించే ఆహార పదార్థాల్లో చేపలు కూడా ఉన్నాయి. వారానికి కనీసం రెండుసార్లు
చేపలు తింటే శరీరానికి జింక్ అందుతుంది. అంతేకాకుండా చికెన్, లాంబ్ నాన్ వెజ్
ఐటెమ్స్ కూడా మంచి ఎంపిక. మీ శరీరానికి ప్రతిరోజూ జింక్ కచ్చితంగా అవసరం. కానీ
అది తక్కువ పరిమాణంలోనే. ఆరోగ్యకరమైన రోగనిరోధక వ్యవస్థకు ముఖ్యం కూడా.
అంతేకాకుండా, ఆరోగ్యకరమైన చర్మం, కళ్ళు, జుట్టు కూడా జింక్ ఎంతగానో సాయపడుతుంది.”
జింక్ ఖనిజాలను ఎక్కువ స్థాయిలో ఉన్న ఆహారాల గురించి ఇక్కడ చూద్దాం.

3.గుడ్లు

యునైటెడ్ స్టేట్స్ డిపార్ట్మెంట్ ఆఫ్ అగ్రికల్చర్ (యుఎస్డిఎ) డేటా ప్రకారం ఒక
పెద్ద గుడ్డులో 5 శాతం (0.6 మి.గ్రా) జింక్ ఉంటుంది. కాబట్టి గుడ్లు రెగ్యులర్‌గా
తినండి.

4.పెరుగు :

యోగర్ట్, పెరుగు మన గట్ ఆరోగ్యానికి అవసరమయ్యే మంచి బ్యాక్టీరియాను అందిస్తుంది.
అంతేకాకుండా రోగనిరోధక శక్తికి సరిపడా జింక్ మొత్తాలని కూడా అందిస్తుంది. మంచి
జీర్ణక్రియ, బలమైన రోగనిరోధక శక్తిని పెంపొందించుకోవడం కోసం ఈ వేసవిలో
రిఫ్రిజిరేటెడ్ పెరుగు ఉత్తమమైన ఆహారం అని చెప్పొచ్చు.

5.గింజలు, విత్తనాలు :

పొద్దుతిరుగుడు విత్తనాలు, గుమ్మడికాయ గింజలు, జనపనార విత్తనాలు, నువ్వుల వంటి
విత్తనాలతో పాటు బాదం, వాల్నట్, ఎండుద్రాక్ష, జీడిపప్పు వంటి డ్రైఫ్రూట్స్ కూడా
మీ ఆహారంలో భాగంగా చేర్చుకోండి. వీలైతే వాటన్నిటిని పొడిలా చేసి పెట్టండి. ఈ
మిశ్రమాన్ని స్నాక్స్, సలాడ్స్, డెజర్ట్‌లలో అలంకరించడానికి ఉపయోగించండి.

6.శనగలు :

శనగలు భారతీయ సంప్రదాయక భోజనంలో సర్వసాధారణమైన ధాన్యాలుగా అందరికీ సుపరిచితం. ఈ
వేసవిలో వాటిని తరచుగా మీ భోజనంలో ఉండేలా చూసుకోండి. యుఎస్‌డిఎ ప్రకారం తెలుపు
రంగు పప్పు దినుసులలో మంచి మొత్తాలలో జింక్ నిల్వలు ఉంటాయి.

7.బెర్రీస్ :

బెర్రీస్‌లో జింక్ నిల్వలు అధికంగా ఉంటాయి. వీటిని తినడం వల్ల రోగ నిరోధక శక్తి
పెరుగుతుంది.