WhatsApp: హలో మమ్మీ, డాడీ అంటూ తల్లిదండ్రుల వాట్సాప్కు మెసేజ్లు.. ఆ తర్వాత రూ.లక్షలు స్వాహా
WhatsApp: ఈ రోజుల్లో ఎవర్ని నమ్మకూడదు. ముఖ్యంగా సోషల్ మీడియా వేదికగా జరుగుతున్న మోసాల్ని దృష్టిలో పెట్టుకుని మెలగాలి. లేకపోతే అసలకే ప్రమాదం వచ్చే అవకాశం ఉంది.
మారుతున్న కాలంతో పాటు టెక్నాలజీలోనూ విప్లమాత్మక పరిణామాలు చోటుచేసుకుంటున్నాయి. ఇదే టెక్నాలజీ ఇప్పుడు సైబర్ నేరగాళ్లకు వరంగా మారింది. కంటికి కనిపించకుండానే ఆన్లైన్ ద్వారా ఖాతాల్లో డబ్బు కాజేస్తున్నారు. అందుబాటులో ఉన్న అన్ని మార్గాల్లో ప్రజలను బురిడీ కొట్టించి మోసాలకు పాల్పడుతున్నారు. తాజాగా వాట్సాప్ అకౌంట్‌కు ఫేక్ లింకులు పంపించి డబ్బులు కాజేసిన ఉదంతం యూకేలో వెలుగులోకి వచ్చింది.
చదవండి : రూ.10 వేలకే.. అదిరిపోయే ఫీచర్లు ఉన్న స్మార్ట్ ఫోన్లు ఇవే
కొంతమంది వాట్సాప్ నంబర్లకు హాయ్ మమ్మీ! హాయ్ డాడీ అంటూ సైబర్ నేరగాళ్లు మెసేజ్లు పంపిస్తున్నారు. తల్లిదండ్రులు ఆ మెసేజ్లు చూసి తమ పిల్లలే మెసేజ్ పెట్టారనుకొని వారితో చాటింగ్ చేస్తున్నారు. మోసగాళ్లు సైతం పేరెంట్స్‌కు ఎలాంటి అనుమానం రాకుండా అచ్చం వారి పిల్లల్లాగా చాట్ చేస్తున్నారు. తాము ఇబ్బందుల్లో ఉన్నామని, ప్రమాదం నుంచి కాపాడేందుకు అడిగినంత పంపాలని కోరుతున్నారు. నిజమేనని నమ్మి తల్లిదండ్రులు డబ్బులు పంపిన కొద్ది క్షణాల్లో ఫోన్ స్విచాఫ్ చేస్తున్నారు.
చదవండి : అదిరిపోయే కొత్త ఫీచర్స్ తో ఈ డిసెంబర్ లో వచ్చిన స్మార్ట్ ఫోన్లు ఇవే
ఇలా వాట్సాప్ ద్వారా తల్లిదండ్రుల నుంచి సైబర్ మోసగాళ్లు డబ్బు కాజేస్తున్న సంఘటనలు ఇటీవల యూకేలో ఎక్కువయ్యాయి. ఎక్స్‌ప్రెస్ UK ప్రకారం, ఇలాంటి వాట్సాప్ ఫేజ్ మెసేజ్లతో యూకేలో ఓ వ్యక్తి 7000 పౌండ్లు (సుమారు రూ. 7 లక్షలు), మరో వ్యక్తి 5000 పౌండ్లు (రూ. 3 లక్షలు) పోగొట్టుకున్నారు. సైబర్ నేరగాళ్లు తల్లిదండ్రులు, వారి పిల్లల గురించి సమాచారం సేకరించి ఇలాంటి మోసాలకు పాల్పడుతున్నారు
* స్నేహితులు, బంధులవుల పేర్లతో ఫేక్ అకౌంట్లు..
ఈ తరహా మోసాలు యూకేలోనే కాదు భారత్లో కూడా వెలుగులోకొస్తున్నాయి. ఫేక్ అకౌంట్లతో తల్లిందండ్రులనే కాక, మిత్రులను కూడా మోసగిస్తున్నారు సైబర్ నేరగాళ్లు. అయితే, ఇక్కడి కేటుగాళ్లు వాట్సాప్కు బదులు మెసెంజర్ ద్వారా మోసాలకు పాల్పడుతున్నారు. మనకు తెలిసిన వ్యక్తి పేరుతోనే ఫేక్ అకౌంట్ క్రియేట్ చేసి మెసేజ్లు పంపిస్తున్నారు.
చదవండి : రాబోవు PRC లో మీ బేసిక్ పే ఎంతో తెలుసుకోండి
సోదరుడు, సోదరి, బంధువు, స్నేహితులు లేదా బంధువులు ఇలా ఎవరి పేరుమీదనైనా అకౌంట్ క్రియేట్ చేసి ఆపదలో ఉన్నామని, డబ్బు కావాలని అడుగుతున్నారు. అవి నిజమని నమ్మి.. తమ స్నేహితుడిని ఆపద నుంచి రక్షిద్దామని భావించి చాలా మంది డబ్బులు పంపించి మోసపోతున్నారు. ఈ విషయంలో వాట్సాప్, మెసెంజర్ యాజమాన్యాలు భద్రతాపరంగా ఎన్ని చర్యలు తీసుకుంటున్నప్పటికీ, మోసాలు మాత్రం తగ్గట్లేదు. దీంతో ఇలాంటి వ్యవహారాలపై యూజర్లు కూడా అప్రమత్తంగా ఉండాలని కంపెనీలు కోరుతున్నాయి.
