కొత్త జిల్లాలకు కొత్త డీఈవో లు 14 మంది అధికారులకు పదోన్నతులు
మొత్తం 14 మంది అధికారులకు పదోన్నతులు కల్పించాలని భావిస్తున్నారు. మరోవైపు పాఠశాలల సంఖ్య దామాషాలో కొత్త జిల్లాల్లో ఏర్పాటయ్యే డీఈవో కార్యాలయాల్లో అసిస్టెంట్ డైరెక్టర్, సూపరిం టెండెంట్, సీనియర్ అసిస్టెంట్, జూనియర్ అసిస్టెంట్ తదితర ఉద్యోగుల నియామకాలు దాదాపుగా పూర్తయ్యాయి. వివిధ శాఖల్లో పని చేస్తున్నన ఉద్యోగుల బదలాయింపు ప్రక్రియ కొనసాగుతోంది. కొత్త జిల్లాలకు కొత్త డీఈవోలు వస్తున్న నేపథ్యంలో ఏప్రిల్ నెలాఖరుకు పదోన్నతుల షెడ్యూల్ విడుదల కానున్నట్లు అధికారులు చెబుతున్నారు. ఏ జిల్లాకు ఎన్ని స్కూల్ అసిస్టెంట్ పోస్టులు కావాలో, ఎస్జీటీ పోస్టులకు ఆర్థికశాఖ అనుమతి వచ్చిన తర్వాత పదోన్నతులు జరగనున్నాయి. ఏప్రిల్ రెండో తేదీ ఉగాది రోజునుంచే కొత్త జిల్లాల కార్యకలాపాలు ప్రారంభం కానున్న నేపథ్యంలో రీజినల్ జాయింట్ డైరెక్టర్లు, డీఈవోలు శాశ్వత, ఔట్ సోర్సింగ్ ఉద్యోగుల కేటాయింపులపై చర్యలు తీసుకోవాల్సి ఉంది.
