AP ఉద్యోగుల DA ఎప్పటికి అందేనో!
సంక్రాంతి, ఉగాది కారణంగా ప్రభుత్వం జాప్యం చేస్తోంది
బకాయిలు రూ.5,350 కోట్లు
అమరావతి: రాష్ట్ర ప్రభుత్వ ఉద్యోగులు డీఏ ప్రకటన కోసం ఎదురుచూస్తూ కాలం గడుపుతున్నారు. కేంద్రం తాజాగా ఈ ఏడాది జనవరికి సంబంధించి ఉద్యోగులకు 4% డీఏ, డీఆర్‌లు ఇచ్చింది. రాష్ట్ర ప్రభుత్వం మాత్రం కార్మిక సంఘాలతో చర్చలు జరిపేందుకు సమయం తీసుకుంటోంది. గతేడాది జనవరి, జూలై, ఈ ఏడాది జనవరికి రాష్ట్ర ప్రభుత్వం ఇవ్వాల్సిన మూడు డీఏలు ఆశించిన స్థాయిలో లేవు. ఈ ఏడాది జనవరిలో ఉద్యోగ సంఘాల నేతలు సీఎం జగన్‌ను కలిసిన సందర్భంగా డీఏ ఒకటి సంక్రాంతి కానుకగా ఇవ్వనున్నట్టు లీకులు వచ్చాయి. ఆ వెంటనే కొన్ని ఉద్యోగ సంఘాలు ప్రకటనలు చేశాయి.
సంక్రాంతి వచ్చి పోయినా DA ఉత్తర్వులు మాత్రం విడుదల కాలేదు. ఇటీవల జరిగిన మంత్రుల కమిటీ సమావేశంలో ఉగాది పండుగకు DA ఇవ్వాలని సంఘాల నేతలు కోరారు. ఈ అభ్యర్థనపై మంత్రుల కమిటీ సానుకూలంగా స్పందించింది. ఉగాది సందర్భంగా ఉత్తర్వులు వస్తాయని నేతలు మరోసారి ప్రకటించారు. ఉగాది వెళ్లిపోయినా ఉత్తర్వులు రాలేదు. ఇటీవల ప్రభుత్వ ప్రధాన కార్యదర్శి అధ్యక్షతన జరిగిన సమావేశంలో DA ఉత్తర్వులు ఇవ్వాలని నేతలు కోరగా.. CM తో మాట్లాడి వీలైనంత త్వరగా మంజూరు చేస్తామని చెప్పారు. డీఏ ఉత్తర్వులు వస్తాయని సంఘాల నేతలు ప్రకటించిన ప్రతిసారీ ఉద్యోగుల్లో ఆశలు చిగురింపజేసి ఆ తర్వాత పట్టించుకోకుండా కొనసాగిస్తున్నారు.
Also Read: మార్చ్ 27 నుంచి 5 రోజుల పాటు Diksha Online trainings
ఇప్పటివరకు బకాయిలు !
పీఆర్సీ అమలుకు ముందు ఉద్యోగులకు చెల్లించాల్సిన డీఏ బకాయిలు రూ.2,200 కోట్లు. జులై 2018, జనవరి 2019 డీఏలకు సంబంధించి 30 నెలల బకాయిలు ఉండగా.. ఉద్యోగులకు ఇవ్వకుండానే వీటిని ఇచ్చినట్లు చూపి వారి నుంచి ఆదాయపు పన్ను కూడా మినహాయించారు. బకాయిలు రాకపోవడంతో ఉద్యోగులు ముందుగా డబ్బులు చెల్లించాల్సి వచ్చింది.
* కేంద్ర DA ను ప్రామాణికంగా తీసుకుని రాష్ట్ర ఉద్యోగులకు ప్రభుత్వం డీఏను ప్రకటించింది. ఈ లెక్కన, జనవరి, జూలై 2022 మరియు జనవరి 23కి వరుసగా 2.73%, 3.64% మరియు 3.64% (10.01 %) DA లు చెల్లించాల్సి ఉంది.
* ప్రభుత్వం డీఏలను ఆమోదిస్తే గతేడాది జనవరి డీఏకు రూ.1,800 కోట్లు, జూలైకి రూ.1,050 కోట్లు, ప్రస్తుత జనవరికి రూ.300 కోట్లు చెల్లించాల్సి ఉంటుంది. ఈ లెక్కన ఉద్యోగులకు మొత్తం రూ.3,150 కోట్లు రానున్నాయి.
* పీఆర్సీకి ముందు ప్రభుత్వం ప్రస్తుత డీఏ బకాయిలతో కలిపి మొత్తం రూ.5,350 కోట్లు బకాయిపడింది.
