- అనువుగాని చోట అదికుల మనరాదు. కొంచెముండు టెల్ల కొదవ గాదు కొండ అద్దమందు కొంచెమై వుండదా విశ్వదాభి రామ వినుర వేమ . .
- అగ్నిచేతబట్టి యా పరమేశుని నిందచేసి నరులు నీరుకారె? దక్షు క్రతవులోని తల్లడమెఱుగరా? విశ్వదాభిరామ వినురవేమ. .
- అంతరంగమందు నపరాధములు చేసి మంచివానివలెనె మనుజుడుండు ఇతరు లెఱుగకున్న నీశ్వరుడెఱుగడా? విశ్వదాభిరామ వినురవేమ. .
- అంతరాత్మగనక యల్పబుధ్ధులతోడ మెలగెడు జనులెల్ల మేదినిపయి యముని నరకమునకు నరుగంగ సాక్ష్యము విశ్వదాభిరామ వినురవేమ. .
- అధికుడైన రా జొకల్పుని జేపట్ట వానిమాట చెల్లు వసుధలోన గణకు లొప్పియున్న గవ్వలు చెల్లవా? విశ్వదాభిరామ వినురవేమ.www.teacherinfo.in .
- అన్నిజాడలుడిగి ఆనందకాముడై నిన్ను నమ్మజాలు నిష్ఠతోడ నిన్ను నమ్మముక్తి నిక్కంబు నీయాన విశ్వదాభిరామ వినురవేమ. .
- ఇనుము విఱిగెనేని యినుమాఱు ముమ్మాఱు కాచి యతుకనేర్చు గమ్మరీడు మనసు విఱిగినేని మఱియంట నేర్చునా? విశ్వదాభిరామ వినురవేమ. .
- ఇనుము విఱిగెనేని యినుమాఱు ముమ్మాఱు కాచి యతుకనేర్చు గమ్మరీడు మనసు విఱిగినేని మఱియంట నేర్చునా? విశ్వదాభిరామ వినురవేమ. .
- ఎంత సేవచేసి యేపాటు పడినను రాచమూక నమ్మరాదురన్న పాముతోడిపొందు పదివేలకైనను విశ్వదాభిరామ వినురవేమ. .
- ఎద్దుకన్న దున్న యేలాగు తక్కువ? వివరమెఱిగి చూడు వ్రుత్తియందు నేర్పులేనివాని నెఱయోధుడందురా? విశ్వదాభిరామ వినురవేమ. .
- ఒకరి నోరుకొట్టి యొకరు భక్షించిన వాని నోరు మిత్తి వరుసగొట్టు చేపపిండు బెద్ద చేపలు చంపును చేపలన్ని జనుడు చంపు వేమ. .
- కల్ల నిజముజేసి కపటభావముజేంది ప్రల్లదంబులాడు భక్తిలేక మాయలాడుఖలుడు మహితాత్ముసాటియా? విశ్వదాభిరామ వినురవేమ. .
- గుఱ్ఱమునకు దగిన గుఱుతైన రౌతున్న గుఱ్ఱములు నడచు గుఱుతుగాను గుర్తు దుర్జనులకు గుణము లిట్లుండురా విశ్వదాభిరామ వినురవేమ. .
- ఎడ్డెవానికి గురుతోర్చి చెప్పినగాని తెలియబడునె యాత్మ దెలివిలేక చెడ్డ కొడుకు తండ్రి చెప్పిన వినడయా విశ్వదాభిరామ వినురవేమ. .
- ఎడ్డెవానికి గురుతోర్చి చెప్పినగాని తెలియబడునె యాత్మ దెలివిలేక చెడ్డ కొడుకు తండ్రి చెప్పిన వినడయా విశ్వదాభిరామ వినురవేమ. .
- కండ చక్కెఱయును గలియ బాల్పోసిన తఱిమి పాము తన్నుదాకుగాదె కపటమున్నవాని గంపెట్టవలె సుమీ విశ్వదాభిరామ వినురవేమ. .
- కలియుగంబునందు ఘనతకు నైచ్యము ఘనత నైచ్యమునకు గలుగుచుండు శ్రధ్ధ భక్తులుడిగి జనులుంద్రు కావున విశ్వదాభిరామ వినురవేమ .
- కల్లుకుండకెన్ని ఘనభూషణము లిడ్డ అందులోని కంపు చిందులిడదె? తులవ పదవిగొన్న దొలి గుణమేమగు? విశ్వదాభిరామ వినురవేమ.www.teacherinfo.in .
- కానివానితోడగలసి మెలంగిన హానివచ్చు నెంతవానికైన కాకిగూడి హంస కష్టంబు పొందదా? విశ్వదాభిరామ వినురవేమ. .
- కూళ కూళ్ళుమేయు గుణమంత చెడనాడి నెట్టివారు మెచ్చరట్టివాని కొయ్యదూలమునకు గుదురునా ఞానంబు? విశ్వదాభిరామ వినురవేమ.www.teacherinfo.in .
- కైపుమీఱువేళ గడకుజేరగరాదు అనువుదప్పి మాటలాడరాదు సమయమెఱుగనతడు సరసుండుకాడయా? విశ్వదాభిరామ వినురవేమ. .
- కొండగుహలనున్న గోవెలందున్న మెండుగాను బూది మెత్తియున్న దుష్టబుధ్ధులకును దుర్బుధ్ధి మానునా? విశ్వదాభిరామ వినురవేమ. .
- కోతిబట్టి తెచ్చి క్రొత్తపుట్టముగట్టి కొండమ్రుచ్చులెల్ల గొలిచినట్లు నీతిహీనునొద్ద నిర్భాగ్యులుందురు విశ్వదాభిరామ వినురవేమ. .
- గంగపాఱుచుండ గదలని గతితోడ ముఱికివాగు పాఱు మ్రోతతోడ అధికుడొర్చునట్టు లధముడోర్వగలేడు విశ్వదాభిరామ వినురవేమ. .
- చదువులన్ని చదివి చాలవివేకియై కలుషచిత్తుడైన ఖలుని గుణము దాలిగుంటగుక్క తలచిన చందమౌ విశ్వదాభిరామ వినురవేమ. .
- చంపగూడ దెట్టి జంతువునైనను చంపవలయు లోకశత్రుగుణము తేలుకొండిగొట్ట దేలేమిచేయురా విశ్వదాభిరామ వినురవేమ. .
- ఛర్ధి పుట్టినప్డు సాపడసైపదు నాతిగన్న యప్డు నీతి తగదు చేటు మూడినపుడు మాటలు తోచవు విశ్వదాభిరామ వినురవేమ. .
- టక్కరులను గూడి యొక్క సక్కెములాడ నిక్కమైన ఘనుని నీతిచెడును ఉల్లితోట బెరుగు మల్లెమొక్కకరణి విశ్వదాభిరామ వినురవేమ. .
- డెందమందు దలచు దెప్పరమెప్పుడు నోర్వలేనిహీను డొరునికట్టె తనకు మూడుసుమ్మి తప్పదెప్పటికైన విశ్వదాభిరామ వినురవేమ. .
- తనకుగలుగు పెక్కు తప్పులటుండగా పరులనేరుచుండు నరుడు తెలియ డొడలెఱుంగ డనుచు నొత్తి చెప్పంగవచ్చు విశ్వదాభిరామ వినురవేమ. .
- తనర న్రుపతితోడ దగ దుర్జనునితోడ అగ్నితోడ బరుని యాలితోడ హాస్యమాడుటెల్ల నగును ప్రాణాంతము విశ్వదాభిరామ వినురవేమ. .
- తేలుకుండును తెలియగొండి విషంబు ఫణికినుండు విషము పండ్లయందు తెలివిలేని వాండ్ర దేహమెల్ల విషంబు విశ్వదాభిరామ వినురవేమ. .
- దాసరయ్య తప్పు దండంబుతో సరి మోసమేది తన్ను ముంచుకున్న? నీచుడై చెడునటు నీచుల నమ్మిన విశ్వదాభిరామ వినురవేమ. .
- దుండగీడు కొడుకు కొండీడు చెలికాడు బండరాజునకును బడుగుమంత్రి కొండముచ్చునకును కోతియె సరియగు విశ్వదాభిరామ వినురవేమ. .
- దుష్టజనులు మీఱి తుంటరిపనులను శిష్టకార్యములుగ జేయుచుంద్రు కూడదనెడువారి గూడ నిందింతురు విశ్వదాభిరామ వినురవేమ. .
- దూరద్రుష్టిగనరు తూగిదనుకను బారుపట్టెఱుగౌ పడినదనుక దండసాధ్యులరయ ధర్మసాధ్యులుకారు విశ్వదాభిరామ వినురవేమ. www.teacherinfo.in .
- నేరని జనులకును నేరముల్ నేర్పుచు చక్కచేయరిల నసాధులెపుడు ఒప్పు దుర్జనములు తప్పగనెంతురు విశ్వదాభిరామ వినురవేమ. .
- నొసలు బత్తుడయ్యె నోరు తోడేలయ్యె మనసు భూతమువలె మలయగాను శివుని గాంతు ననుచు సిగ్గేలగాదురా? విశ్వదాభిరామ వినురవేమ. .
- పరులు చదువజూచి నిరసనబుధ్ధితో వట్టిమాటలాడు వదరుబోతు అట్టి ఖలుని జాడలరయుట దోసము విశ్వదాభిరామ వినురవేమ. .
- పాలు పంచదార పాపరపండ్లలో చాలబోసి వండ జవికిరావు కుటిలమానవులకు గుణమేల కల్గురా? విశ్వదాభిరామ వినురవేమ. .
- బిడియ మింతలేక పెద్దను నేనంచు బొంకములను బల్కు సంకఠునకు ఎచ్చు కలుగదిచట జచ్చిన రాదట విశ్వదాభిరామ వినురవేమ. .
- మాటలాడు టొకటి మనసులో నొక్కటి ఒడలిగుణ మదొకటి నడత యొకటి ఎట్లుకలుగు ముక్తి యిట్టులుండగ తాను విశ్వదాభిరామ వినురవేమ. .
- ముష్టి వేపచెట్టు మొదలుగా బ్రజలకు పరగ మూలికలకు బనికివచ్చు నిర్దయుండు ఖలుడు నీచుడెందులకగు? విశ్వదాభిరామ వినురవేమ. .
- రేగుపుచ్చకాయ రేయెల్ల దన్నిన మురగ దంతకంత పెరుగుగాని ఒరులు ఛీయన్నను నోగు సిగ్గెఱుగునా? విశ్వదాభిరామ వినురవేమ. .
- వంపుకఱ్ఱగాచి వంపు తీర్చగవచ్చు కొండలన్ని పిండిగొట్టవచ్చు కఠినచిత్తు మనసు కరగింపరాదు విశ్వదాభిరామ వినురవేమ. .
- వాక్కు శుధ్ధిలేని వైనదండాలు ప్రేమ కలిగినట్టు పెట్టనేల? నొసట బత్తిజూపు నోరు తోడేలయా విశ్వదాభిరామ వినురవేమ. www.teacherinfo.in.
