కొలెస్ట్రాల్‌ను తగ్గించే క్యారెట్: ఈ రోజుల్లో గుండె జబ్బులతో మరణించే వారి సంఖ్య రోజురోజుకు పెరుగుతోంది. వయస్సుతో సంబంధం లేకుండా, ప్రతి ఒక్కరూ గుండె జబ్బులతో బాధపడుతున్నారు. ఒత్తిడి, ఆందోళన, మారిన జీవనశైలి, ఆహారపు అలవాట్లు, కొలెస్ట్రాల్ వంటివి కూడా గుండె జబ్బులకు కారణమని చెప్పవచ్చు. గుండె జబ్బులు రాకుండా ఉండాలంటే ముందుగా మన ఆహారపు అలవాట్లను మార్చుకోవాలి. కొలెస్ట్రాల్ స్థాయిలను అదుపులో ఉంచే ఆహారాలను తినండి. కొలెస్ట్రాల్ స్థాయిలను అదుపులో ఉంచడంలో క్యారెట్ మనకు ఎంతగానో సహకరిస్తుందని నిపుణులు చెబుతున్నారు.
క్యారెట్ కంటి చూపును మెరుగుపరచడానికి మరియు కంటి సమస్యలను నివారించడానికి మాత్రమే ఉపయోగపడుతుందని అందరూ అనుకుంటారు. కానీ క్యారెట్ తినడం వల్ల కొలెస్ట్రాల్ స్థాయిలు తగ్గుతాయి. శరీరంలో రోగనిరోధక శక్తిని పెంచుతుంది. గుండె ఆరోగ్యాన్ని మెరుగుపరుస్తుంది. గుండెపోటు వంటి సమస్యలను దూరం చేసుకోవచ్చునని నిపుణులు పరిశోధనల ద్వారా వెల్లడించారు. క్యారెట్‌లో విటమిన్ ఎ, బీటా కెరోటిన్ మరియు యాంటీ ఆక్సిడెంట్లు ఉంటాయి. ఇవి ఫ్రీ రాడికల్స్‌ను నాశనం చేస్తాయి మరియు గుండె ఆరోగ్యాన్ని దెబ్బతినకుండా కాపాడతాయి. అలాగే, క్యారెట్‌లో ఉండే ఫైబర్, విటమిన్లు మరియు మినరల్స్ వంటి పోషకాలు కొలెస్ట్రాల్ స్థాయిలను అదుపులో ఉంచడంలో సహాయపడతాయి. క్యారెట్ తీసుకోవడం వల్ల గుండె ఆరోగ్యాన్ని మెరుగుపరచడమే కాకుండా, రక్తపోటు మరియు రక్తంలో చక్కెర స్థాయిలు కూడా నియంత్రణలో ఉంటాయి.
అలాగే, క్యారెట్‌లో ఉండే ఫైబర్ జీర్ణక్రియను మెరుగుపరచడంలో సహాయపడుతుంది. క్యారెట్ తీసుకోవడం వల్ల మలబద్ధకం సమస్య తగ్గుతుంది. బరువు తగ్గాలనుకునే వారికి క్యారెట్ కూడా బాగా ఉపయోగపడుతుంది. క్యారెట్‌లో కేలరీలు తక్కువగా ఉంటాయి మరియు ఫైబర్ అధికంగా ఉంటుంది. దీన్ని తీసుకోవడం వల్ల కడుపు నిండిన అనుభూతి కలుగుతుంది. చాలా కాలం ఆకలికి దూరంగా ఉంటుంది. ఈ విధంగా ప్రతిరోజు ఒక క్యారెట్ తీసుకోవడం వల్ల క్యారెట్ మన ఆరోగ్యానికి ఎంతో మేలు చేస్తుందని, కొలెస్ట్రాల్ లెవెల్స్ కంట్రోల్ అవుతాయని, గుండె ఆరోగ్యం మెరుగవుతుందని నిపుణులు చెబుతున్నారు. వీలైనంత వరకు బాగా నమిలి లేదా జ్యూస్ చేసి వడకట్టకుండా తీసుకోవాలని కూడా చెబుతున్నారు. క్యారెట్‌ను ఇలా తీసుకోవడం ద్వారానే మనం పూర్తి ప్రయోజనాలను పొందవచ్చని నిపుణులు సూచిస్తున్నారు.
