Aadhaar Card:బ్యాంకు ఖాతా తెరవాలంటే ఆధార్ కార్డు తప్పనిసరి. ఆధార్ కార్డ్ లేదా ఆధార్ నంబర్ ద్వారా మీ బ్యాంక్ ఖాతాను హ్యాక్ చేసి, ఖాళీ చేసి డబ్బు దొంగిలించవచ్చని ఒక దావా ఉంది. ఇందులో ఎంత నిజం ఉందో.. అది సాధ్యమేనా అని తెలుసుకుందాం.
నేటి కాలంలో ఆధార్ కార్డు అత్యంత ముఖ్యమైన గుర్తింపు కార్డుగా మారింది. బ్యాంకు ఖాతా తెరవడం నుండి ప్రతి చట్టపరమైన పనిలో ఆధార్ కార్డ్ ముఖ్యమైన పాత్ర పోషిస్తుంది. అలాగే బ్యాంకు ఖాతాను ఆధార్ కార్డుతో అనుసంధానం చేయడం తప్పనిసరి అయింది. బ్యాంక్ ఖాతాల KYC కోసం కూడా ఆధార్ కార్డ్ అవసరం.
మన ఆధార్ కార్డ్ లేదా దాని నంబర్ సహాయంతో ఎవరైనా ఖాతాను హ్యాక్ చేసి, దాని నుండి డబ్బును విత్‌డ్రా చేయగలరా అనే ప్రశ్న ఇప్పుడు ప్రజల మనస్సులో తలెత్తుతుంది. కాబట్టి ఈ స్టోరీలో ఈ విషయం గురించి వాస్తవాలను తెలుసుకుందాం.
Can a bank account be hacked with aadhaar card?:
లేదా ఆధార్ నంబర్ ద్వారా బ్యాంకు ఖాతాను హ్యాక్ చేయడం సాధ్యం కాదని… ఆధార్ కార్డుల నిర్వహణ సంస్థ యూఐడీఏఐ స్పష్టం చేసింది. ఏటీఎం పిన్‌ను తెలుసుకుని మీ బ్యాంకు ఖాతా నుంచి ఎవరూ డబ్బులు తీసుకోలేరని, అదేవిధంగా ఆధార్ నంబర్‌ను తెలుసుకుని మీ బ్యాంక్ ఖాతా నుంచి డబ్బులు తీసుకోలేరని యూఐడీఏఐ తెలిపింది.
ఆధార్ నంబర్‌ని ఉపయోగించి మీ బ్యాంక్ ఖాతాను ఎవరూ హ్యాక్ చేయలేరు. ఇంటర్నెట్ బ్యాంకింగ్ పాస్‌వర్డ్, పిన్ లేదా OTP వంటి మీ వ్యక్తిగత బ్యాంకింగ్ సమాచారాన్ని మీరు ఎవరితోనూ పంచుకోకపోతే, మీ బ్యాంక్ ఖాతా పూర్తిగా సురక్షితం అని టెక్ నిపుణులు స్పష్టం చేశారు.
No worries UIDAI:
ఈ విషయంలో ఆందోళన చెందవద్దని బ్యాంక్ కస్టమర్లు మరియు ఆధార్ వినియోగదారులకు UIDAI సూచించింది. కేవలం ఆధార్ నంబర్ తెలుసుకుని బ్యాంకు ఖాతాను హ్యాక్ చేసిన సందర్భాలు లేవని ఈ ఆధార్ నిర్వహణ సంస్థ చెబుతోంది. కేవలం ఆధార్ నంబర్ సహాయంతో డబ్బు మోసం జరగదని పేర్కొంది.
UIDAI తన అధికారిక పోర్టల్ uidai.gov.inలో ఆధార్ నంబర్‌ని ఉపయోగించి బ్యాంక్ ఖాతాను హ్యాకింగ్ చేయడంపై స్పష్టతనిస్తూ పూర్తి సమాచారాన్ని పంచుకుంది. కంపెనీ అధికారిక పోర్టల్‌లో అందుబాటులో ఉన్న ‘ఆధార్ మిత్ బస్టర్స్’ ప్రకారం, ఆధార్ కార్డ్ నంబర్‌తో బ్యాంక్ ఖాతాను హ్యాక్ చేశారనే వాదన పూర్తిగా తప్పు.
