రాబోయే కాలం మానవులకు చాలా కష్టకాలం కానుంది. కరోనా తర్వాత వాతావరణ మార్పులు పెను విధ్వంసం తీసుకురాబోతున్నాయి. ఫలితంగా రానున్న రోజుల్లో వంద కోట్ల మంది ప్రజలు చనిపోతారు.
ఈ వందకోట్ల ప్రజలు ఏ ఒక్క ప్రాంతానికి చెందిన వారు కాదు.. ప్రపంచంలోని అన్ని ప్రాంతాల ప్రజలు ఈ మృత్యు మీదంగంలో ఏకం అవుతారు. వాతావరణ మార్పుల ప్రభావం గురించి శాస్త్రవేత్తలు ఏమంటున్నారో ఇప్పుడు తెలుసుకుందాం.
భయానక గణాంకాలు:
యూనివర్శిటీ ఆఫ్ వెస్ట్రన్ అంటారియో ఇటీవల వాతావరణ మార్పులపై పరిశోధన చేసింది. ఈ పరిశోధన ద్వారా, భవిష్యత్తులో పెరుగుతున్న ఉష్ణోగ్రతలు మానవ మరణాలకు ఎలా కారణమవుతాయో తెలుసుకున్నాము. ఈ గణాంకాలు రాబోయే తరానికి పెను ముప్పుగా పరిణమిస్తాయని పరిశోధనలకు నేతృత్వం వహించిన జాషువా పియర్స్ హెచ్చరించారు. వాతావరణ మార్పుల కారణంగా మానవ మరణాల సంఖ్య ఖచ్చితంగా తెలియనప్పటికీ, ఇది 100 కోట్ల వరకు ఉంటుందని అంచనా.
మనిషి జీవించాలంటే ఏం చేయాలి?
ఈ విపత్తును నివారించడానికి, ప్రజలందరూ ముందుగా వాతావరణ మార్పులపై దృష్టి పెట్టాలి. దీనితో పాటు కర్బన ఉద్గారాలను తీవ్రంగా పరిగణించాలి. కర్బన ఉద్గారాలను అరికట్టేందుకు ప్రపంచ వ్యాప్తంగా అన్ని దేశాల ప్రభుత్వాలు చర్యలు తీసుకోవాలి. దీనిపై ప్రజలకు అవగాహన కల్పించాలి. ఏటా ప్రపంచ ఉష్ణోగ్రతలు పెరుగుతున్న తీరు చూస్తుంటే రానున్న కాలంలో ప్రపంచం నిప్పుల కుంపటిలా మారుతుందని శాస్త్రవేత్తలు హెచ్చరిస్తున్నారు.
అదేవిధంగా ప్రపంచంలో శిలాజ ఇంధనాల వాడకాన్ని వీలైనంత త్వరగా నిలిపివేయాలని శాస్త్రవేత్తలు చెబుతున్నారు. వాతావరణ మార్పులకు శిలాజ ఇంధనాలే ప్రధాన కారణమని శాస్త్రవేత్తలు చెబుతున్నారు. అన్ని ప్రభుత్వాలు కార్బన్ వేస్ట్ మేనేజ్‌మెంట్, కార్బన్ డయాక్సైడ్ సహజ నిల్వను సులభతరం చేయడానికి సాంకేతికతను అభివృద్ధి చేస్తే, వాతావరణ మార్పుల ప్రభావం తీవ్రంగా ఉండదని శాస్త్రవేత్తలు భావిస్తున్నారు.A
