బోనస్ ప్రకటించిన కేంద్రం : ప్రభుత్వ ఉద్యోగులకు కేంద్ర ప్రభుత్వం మంగళవారం తీపి కబురు అందించింది. గ్రూప్ సి, గ్రూప్ డి, గ్రూప్ బిలకు చెందిన కొన్ని కేటగిరీల ఉద్యోగులకు దీపావళి బోనస్‌ను కేంద్ర ప్రభుత్వం మంగళవారం పునరుద్ధరించింది.
దీపావళికి ముందు కేంద్రం తన ఉద్యోగులకు బోనస్ ప్రకటించింది. సెంట్రల్ పారామిలిటరీ మరియు సాయుధ దళాలకు చెందిన అర్హత కలిగిన ఉద్యోగులకు కూడా బోనస్ వర్తిస్తుంది. ఈ ఉత్తర్వుల ప్రకారం బోనస్ చెల్లింపు గరిష్ట పరిమితి రూ.7 వేలు నెలవారీ జీతం అని పేర్కొంది.
గ్రూప్ సి, డి, కాంట్రాక్ట్ ఉద్యోగులకు ఈ ఏడాది బోనస్ లభిస్తుందని ఆర్థిక మంత్రిత్వ శాఖ ఆధ్వర్యంలోని వ్యయ విభాగం తెలిపింది. పారామిలటరీ బలగాలతో సహా గ్రూప్ సి, నాన్ గెజిటెడ్ గ్రూప్ బి ర్యాంక్ అధికారులకు గరిష్ట పరిమితి రూ.7 వేలతో దీపావళి బోనస్‌ను కేంద్ర ప్రభుత్వం ఆమోదించింది. మార్చి 31, 2021 నాటికి సర్వీసులో ఉన్న ఉద్యోగులు మరియు 2020-21 ఆర్థిక సంవత్సరంలో కనీసం ఆరు నెలల పాటు నిరంతర సేవలందించిన ఉద్యోగులు ఈ తాత్కాలిక బోనస్‌కు అర్హులని కేంద్రం వివరించింది.
కేంద్ర ప్రభుత్వ ఉద్యోగులకు డియర్నెస్ అలవెన్స్ (డీఏ)లో 4 శాతం పెంపునకు కేంద్ర మంత్రివర్గం ఆమోదం తెలిపే అవకాశం ఉందని అధికారిక వర్గాలు తెలిపాయి. బుధవారం జరిగే భేటీ తర్వాత కేంద్ర మంత్రివర్గం నిర్ణయం వెలువడే అవకాశం ఉంది. కేంద్ర ప్రభుత్వం కరువు భత్యాన్ని ప్రస్తుతం 42 శాతం నుంచి 46 శాతానికి పెంచే అవకాశం ఉంది. 47.58 లక్షల మంది కేంద్ర ప్రభుత్వ ఉద్యోగులు మరియు 69.76 లక్షల మంది పెన్షనర్లకు ప్రయోజనం చేకూర్చేందుకు ఈ ఏడాది మార్చిలో కేంద్ర కేబినెట్ కరువు భత్యం మరియు డియర్నెస్ రిలీఫ్‌లను 4 శాతం పెంచింది. దీపావళికి కొన్ని వారాల ముందు గతేడాది సెప్టెంబర్‌లో మంత్రివర్గం అదనపు డీఏను 4 శాతం పెంచింది.
