యూపీఐ పేమెంట్స్ కంపెనీలు యూజర్లను ఆకర్షించేందుకు లోన్ యాప్స్ ద్వారా రుణాలను ఆఫర్ చేస్తున్న సంగతి తెలిసిందే. కొన్ని ఫైనాన్స్ కంపెనీల భాగస్వామ్యంతో UPI యాప్‌లు రుణాలను అందించడం ద్వారా వినియోగదారులను ఆకర్షించడంలో బిజీగా ఉన్నాయి.
ఇటీవల, Google Pay వినియోగదారులను ఆకర్షించడానికి చిన్న వ్యాపారాలకు కూడా రుణాలను అందించింది. మేడ్ ఫర్ ఇండియా తొమ్మిదో ఎడిషన్‌లో గూగుల్ ఈ విషయాన్ని ప్రకటించింది.
చిన్న వ్యాపారవేత్తలు Google Payలో చాలా సులభమైన మార్గాల్లో రుణాలు పొందవచ్చు. కోరుకున్న నెలవారీ మొత్తంలో తీసుకున్న రుణాన్ని చెల్లించడానికి Google ప్రత్యేకంగా ఎంపికను కూడా అందించింది. Google Pay DMI ఫైనాన్స్‌తో కలిసి సాచెట్ లోన్ పేరుతో రుణాలను ఇస్తుంది. Google Pay ప్రీ-అప్రూవ్డ్ లోన్ పేరుతో రుణాలను ఇస్తుంది.
అంటే తక్కువ మొత్తం, స్వల్పకాలిక రుణాలు. చిన్న వ్యాపారులు యాప్‌లో రూ.10000 నుంచి రూ.100000 వరకు రుణం పొందవచ్చు. రుణాన్ని ఏడు రోజుల నుండి 12 నెలలలోపు వాయిదాలలో చెల్లించవచ్చు.
చిన్న వ్యాపారవేత్తలు Google Pay యాప్ లేదా వెబ్‌సైట్ ద్వారా చాలా సులభమైన దశలతో ఈ రుణాన్ని పొందవచ్చు. Google Pay వినియోగదారులకు నెలకు ఎంత EMI చెల్లించాలనే విషయంలో తమకు నచ్చిన ఎంపికను ఎంచుకునే వెసులుబాటును కల్పించింది.
లేని పక్షంలో 12 నెలల్లోగా మొత్తం రుణం చెల్లించాల్సి ఉంటుంది. ఇతర లోన్ యాప్‌లతో పోలిస్తే వడ్డీ రేట్లు కూడా చాలా తక్కువ. నెలవారీ ఆదాయం రూ.30 వేలు ఉన్నవారు రుణం పొందేందుకు అర్హులని గూగుల్ తెలిపింది. అయితే ముందుగా గూగుల్ ఈ సేవలను టైర్ 2 నగరాల్లో అందుబాటులోకి తెచ్చింది. త్వరలో గ్రామాల్లో కూడా ఈ సేవలు అందుబాటులోకి రానున్నాయి.
