ఐటీ దిగ్గజం టాటా కన్సల్టెన్సీ సర్వీసెస్ బుధవారం కీలక నిర్ణయం తీసుకుంది. 6.14 లక్షలకు పైగా ఉన్న ఉద్యోగులందరినీ కార్యాలయాలకు వచ్చి పూర్తి సామర్థ్యంతో పని చేయాలని కోరింది. వర్క్ ఫ్రమ్ హోమ్ (వర్క్ ఫ్రమ్ హోమ్) ముగింపు దశకు వచ్చిందని టీసీఎస్ హ్యూమన్ రిసోర్సెస్ ఆఫీసర్ మిలింద్ లక్కడ్ వివరించారు. ఉద్యోగులకు వర్క్ ఫ్రమ్ హోమ్ తొలగించి ఆఫీసులకు రమ్మని చెప్పిన ఐటీ కంపెనీ ఇదే అతి పెద్దది కావడం గమనార్హం. అందరు కలిసి పనిచేసే సిబ్బందికి ఉత్పాదకత ప్రయోజనాలు ఉన్నాయని, ప్రస్తుత వాతావరణంలో ఇది అవసరమని లక్కాడ్ అన్నారు.
వారందరికీ Offer లెటర్లు
ఫలితాల ప్రకటన సందర్భంగా లక్కడ్ పలు కీలక వ్యాఖ్యలు చేశారు. ఈ ఆర్థిక సంవత్సరంలో 40 వేల మందికి పైగా ఫ్రెషర్లను నియమిస్తామన్న ప్రకటనకు కట్టుబడి ఉన్నామని మిలింద్ స్పష్టం చేశారు. అదే సమయంలో కంపెనీ ఇచ్చే ఆఫర్ లెటర్లన్నింటినీ గౌరవిస్తామని చెప్పారు.
కంపెనీ మొత్తం ఉద్యోగుల సంఖ్య 6.15 లక్షల నుంచి 6.08 లక్షలకు తగ్గడంపై కూడా మిలింద్ మాట్లాడారు. వలసలతో పోలిస్తే కొత్త రిక్రూట్‌మెంట్లు తక్కువగా ఉండడమే ఇందుకు కారణమని తెలిపారు. తమ సిబ్బంది దాదాపు 250 మంది ఇజ్రాయెల్‌లోని ప్రాజెక్టుల్లో పనిచేస్తున్నారని.. ప్రస్తుత యుద్ధం వల్ల పెద్దగా ప్రభావం లేదన్నారు. సిబ్బందిలో ఎక్కువ మంది స్థానికులే ఉన్నారని, వారిని సంస్థ ఎప్పటికప్పుడు పర్యవేక్షిస్తున్నదని వివరించారు.
