వ్యాపారం చేసే వారి సంఖ్య రోజురోజుకూ పెరుగుతోంది. మరీ ముఖ్యంగా యువత ఆలోచనా విధానం మారుతోంది. ఒకరి దగ్గర పనిచేయకుండా నలుగురికి ఉద్యోగాలు ఇచ్చే ధోరణి పెరుగుతోంది.
దీంతో స్టార్టప్ లను నెలకొల్పుతూ తమకంటూ ఓ ప్రత్యేక గుర్తింపు తెచ్చుకుంటున్నారు. కానీ వ్యాపారం విషయానికి వస్తే నష్టాలు తప్పవని చాలా మంది అనుకుంటారు.
మార్కెట్ అవసరాలకు అనుగుణంగా వ్యాపారాన్ని ఎంచుకుంటే కచ్చితంగా మంచి లాభాలు ఆర్జించవచ్చని ఆర్థిక నిపుణులు అంటున్నారు. అలాంటి బెస్ట్ బిజినెస్ ప్లాన్ గురించి ఈరోజు తెలుసుకుందాం..
ప్రస్తుతం కాటన్ బడ్స్ వాడే వారి సంఖ్య పెరుగుతోంది. ఒకప్పుడు నగరాల్లో నివసించేవారు మాత్రమే ఇలాంటి వాటిని ఉపయోగించేవారు. కానీ ప్రస్తుతం చిన్న పట్టణాల్లో సైతం కాటన్ బడ్స్ వాడుతున్నారు.
తక్కువ పెట్టుబడితో మొదలయ్యే ఈ వ్యాపారంలో పెద్దగా నష్టాలు తప్పవు. అంతేకాకుండా, ఔత్సాహిక యువతను ప్రోత్సహించేందుకు కేంద్ర ప్రభుత్వం అందించే ముద్ర వంటి రుణాల ద్వారా కూడా ఈ కాటన్ బడ్స్ తయారీ యూనిట్‌ను ప్రారంభించవచ్చు. కాబట్టి కాటన్ బడ్స్ తయారీని ఎలా ప్రారంభించాలి.? ఎంత ఖర్చు అవుతుంది? ప్రయోజనాలు ఎలా ఉన్నాయి? ఇప్పుడు తెలుసుకుందాం..
చెవులను శుభ్రం చేసే క్యాబటన్ బడ్స్.. చూడ్డానికి సింపుల్ బిజినెస్ అయినా మంచి లాభాలు ఆర్జించవచ్చు. కాటన్ బడ్స్ తయారు చేయడానికి పత్తితో పాటు ప్లాస్టిక్ పైపులు లేదా చిన్న కర్రలను ఉపయోగిస్తారు. వీటి ధర చాలా తక్కువ. ప్రస్తుతం మార్కెట్‌లో కాటన్ బడ్స్ తయారు చేసే యంత్రాలు అందుబాటులో ఉన్నాయి. ఈ మిషన్ ప్రారంభ ధర కూడా రూ. 20 వేలు అందుబాటులో ఉన్నాయి. పత్తి త్వరగా పాడవకుండా ఉండాలంటే సెల్యులోజ్ పాలిమర్ రసాయనాలు వాడాల్సి ఉంటుంది. ఇది కూడా చౌకగా ఉంటుంది. పత్తి చాలా కాలం పాటు మరకలు మరియు ఫంగస్‌కు నిరోధకతను కలిగి ఉంటుంది.
కాటన్ బడ్స్ తయారు చేసిన తర్వాత సొంతంగా మార్కెట్ చేసుకోవాలి. మెడికల్ స్టోర్లు, ఆసుపత్రులు, టెస్టింగ్ ల్యాబ్‌లు, కాస్మెటిక్ ఉత్పత్తుల దుకాణాలు, బ్యూటీ పార్లర్ సెంటర్లు, ఎలక్ట్రానిక్ రిపేరింగ్ మార్కెట్లు, పెయింటింగ్ ఉత్పత్తుల మార్కెట్లను నేరుగా విక్రయించవచ్చు.
చిన్న చిన్న షాపుల్లో కూడా కాటన్ బడ్స్ దొరుకుతాయి. యూట్యూబ్‌లో కాటన్ బడ్స్ ఎలా తయారు చేయబడతాయో తెలిపే అనేక వీడియోలు కూడా అందుబాటులో ఉన్నాయి. లాభాల విషయానికొస్తే.. కాటన్ బడ్స్ తయారు చేయడం ద్వారా నెలవారీ కనీస ఆదాయం రూ. 30 వేలు సంపాదించవచ్చు. కానీ అది పూర్తిగా మీరు చేసే మార్కెటింగ్‌పై ఆధారపడి ఉంటుంది.
