SBI HOME LOANS:
భారతదేశపు అతిపెద్ద బ్యాంక్ స్టేట్ బ్యాంక్ ఆఫ్ ఇండియా తన కస్టమర్లకు షాక్ ఇచ్చింది. వడ్డీ రేట్ల విషయంలో రిజర్వ్ బ్యాంక్ యథాతథ స్థితిని కొనసాగించినప్పటికీ, రుణగ్రహీతలకు SBI బ్యాడ్ న్యూస్ అందించింది.
స్టేట్ బ్యాంక్ ఇటీవల తన గృహ రుణాలపై బేస్ వడ్డీ రేటు అయిన MCLR ను పెంచుతున్నట్లు ప్రకటించింది. పెంచిన కొత్త వడ్డీ రేట్లు డిసెంబర్ 15 నుంచి అమల్లోకి వస్తాయని స్పష్టం చేసింది.తాజా ప్రకటన ప్రకారం స్టేట్ బ్యాంక్ ఆఫ్ ఇండియా బేస్ రేటు 0.15 శాతం, ఎంసీఎల్ఆర్ రేటు 0.10 శాతం పెరిగింది. దీనిలో MCLR అనేది ప్రతి బ్యాంకు తన కస్టమర్లకు అందించే కనీస క్రెడిట్ పరిమితి.
వ్యక్తి యొక్క రుణం రకం, రుణగ్రహీత, రుణ కాలపరిమితి, CIBIL స్కోర్ ఆధారంగా MCLR రేటు మారుతుంది. MCLR రేటు ప్రస్తుతం 8.85 శాతంగా లెక్కించబడుతుంది.
స్టేట్ బ్యాంక్ కొత్త రుణాల బేస్ రేటును నేటి నుంచి 10.10 శాతం నుంచి 10.25 శాతానికి పెంచింది. MCLR వడ్డీ రేటు ఒక రోజుకు 8 శాతం, ఒక నెలకు 8.2 శాతం, 6 నెలలకు 8.55 శాతం, ఒక సంవత్సరానికి 8.65 శాతం, 2 సంవత్సరాలకు 8.75 శాతం, 3 సంవత్సరాలకు 8.85 శాతం ఉంటుందని ప్రకటించింది.
బెంచ్ మార్క్ ప్రైమ్ లెండింగ్ రేటు 15 శాతానికి పెరిగింది. అంతకుముందు ఇది 14.85 శాతంగా ఉండటం గమనార్హం. తాజా పెంపుల కారణంగా అన్ని SBI బ్యాంకు రుణాలకు వడ్డీ రేటు, EMI మొత్తం మారుతోంది.
స్టేట్ బ్యాంక్ ఆఫ్ ఇండియా ప్రస్తుతం గృహ రుణాలపై 0.65 శాతం వరకు వడ్డీ తగ్గింపును అందిస్తోంది. ఈ ఆఫర్ కింద రుణం తీసుకోవడం వల్ల ఒక సంవత్సరం పాటు వడ్డీ రేటు మారదు. అందువల్ల, కొత్త వడ్డీ రేటు కొత్త రుణగ్రహీతలు, ఒక సంవత్సరం కంటే తక్కువ రుణ కాల వ్యవధి ఉన్న వినియోగదారులపై ఎలాంటి ప్రభావం ఉండదు
