ప్రపంచంలోని పలు దేశాలకు చెందిన కంపెనీలు ఉద్యోగులకు శుభవార్త చెబుతున్నాయి. వారంలో నాలుగు రోజులకే విధులను పరిమితం చేసేలా స్థానిక కార్మిక చట్టాల్లో మార్పులు చేస్తున్నారు.
జర్మనీ ఒకవైపు ద్రవ్యోల్బణం, మరోవైపు వలసలు మరియు తక్కువ జనన రేటు వంటి సమస్యలను ఎదుర్కొంటోంది. దీంతో జర్మనీ కంపెనీలు ఉద్యోగుల కొరతను ఎదుర్కొంటున్నాయి. దీనికి తోడు, ఆ దేశంలోని నిర్మాణ సంఘాలు 930,000 మంది కార్మికులకు 20 శాతానికి పైగా జీతాలు పెంచాలని డిమాండ్ చేస్తూ ధర్నాలు చేస్తున్నాయి.
ఇందులో భాగంగా జర్మనీలోని కంపెనీలు ఫిబ్రవరి 1 నుంచి నాలుగు రోజుల పనివారాన్ని ప్రవేశపెట్టేందుకు చర్యలు తీసుకుంటున్నాయి.దేశంలోని 45కి పైగా సంస్థలు ఆరు నెలల పాటు నాలుగు రోజుల పనివారాన్ని అమలు చేయనున్నాయి.
నాలుగు-రోజుల పని వారం మెరుగైన పని-జీవిత సంతులనాన్ని మాత్రమే కాకుండా, ద్రవ్యోల్బణాన్ని అరికడుతుందని నమ్ముతారు. అయితే, ఈ చర్య ఆర్థిక వృద్ధి మరియు శ్రేయస్సుపై ప్రభావం చూపుతుందని జర్మనీ ఆర్థిక మంత్రి క్రిస్టియన్ లిండ్నర్ అన్నారు. మరి ఈ వ్యవహారం ఎటువైపు దారి తీస్తుందో చూడాలి.
