ప్రముఖ ప్రభుత్వ రంగ సంస్థ స్టేట్ బ్యాక్ ఆఫ్ ఇండియా తన వినియోగదారులకు దీపావళి పండుగ వార్తను అందించింది. మునుపెన్నడూ లేని విధంగా హౌసింగ్ లోన్‌లపై రాయితీలు అందజేస్తున్నారు. గృహ రుణాలపై భారీ డిస్కౌంట్లు ఇస్తున్నారు. గృహ రుణం 65 బేసిస్ పాయింట్ల వరకు తగ్గింది. ఈ విషయాన్ని స్టేట్ బ్యాంక్ ఆఫ్ ఇండియా తన అధికారిక వెబ్‌సైట్‌లో ప్రకటించింది.
ప్రస్తుతం దేశంలో పండుగల సీజన్ నడుస్తోంది. మొన్నటి వరకు దసరా వేడుకలు జరిగేవి. ఇక ఇప్పుడు దీపావళి సీజన్ మొదలైంది. ఈ-కామర్స్ సైట్ల నుండి బ్యాంకుల వరకు, వారు పండుగ సీజన్‌ను క్యాష్ చేసుకోవడానికి అన్ని రకాల ఆఫర్లను అందిస్తున్నారు. ఈ ఇ-కామర్స్ సైట్‌లు ఎలక్ట్రానిక్ గాడ్జెట్‌ల నుండి గృహోపకరణాల వరకు అన్ని రకాల ఉత్పత్తులపై తగ్గింపులను అందిస్తాయి.
ఈ క్రమంలో ప్రముఖ ప్రభుత్వ రంగ సంస్థ స్టేట్ బ్యాక్ ఆఫ్ ఇండియా తన వినియోగదారులకు దీపావళి పండుగ వార్తను అందించింది. మునుపెన్నడూ లేని విధంగా హౌసింగ్ లోన్‌లపై రాయితీలు అందజేస్తున్నారు. గృహ రుణాలపై భారీ డిస్కౌంట్లు ఇస్తున్నారు. గృహ రుణం 65 బేసిస్ పాయింట్ల వరకు తగ్గింది. ఈ విషయాన్ని స్టేట్ బ్యాంక్ ఆఫ్ ఇండియా తన అధికారిక వెబ్‌సైట్‌లో ప్రకటించింది. ఈ ఆఫర్ డిసెంబర్ 31, 2023 వరకు అందుబాటులో ఉంటుంది.
CIBIL స్కోర్ ఆధారంగా ఈ తగ్గింపు అందించబడుతుంది. CIBIL స్కోర్ ఎక్కువైతే కస్టమర్లు ఎక్కువ డిస్కౌంట్లు పొందవచ్చని SBI తెలిపింది. దీనికి అదనంగా, హోమ్ లోన్ టేకోవర్ లేదా రెడీ-టు-మూవ్ ఆప్షన్‌పై 20 bps అదనపు తగ్గింపు అందించబడుతుంది. 700 పాయింట్ల కంటే ఎక్కువ CIBIL స్కోర్ ఉన్న కస్టమర్లకు మాత్రమే ఈ తగ్గింపు అందుబాటులో ఉంటుంది. CIBIL స్కోర్ 700 నుండి 749 మధ్య ఉన్నవారు హౌసింగ్ లోన్‌పై 65 bps రాయితీని పొందవచ్చు. మీరు 8.70 శాతం వడ్డీ రేటుతో రుణం పొందవచ్చు. 650 నుంచి 699 మధ్య CIBIL స్కోర్ ఉన్నవారికి ఎలాంటి రాయితీ లేదు. వారికి 9.45 శాతం రుణాన్ని అందజేస్తున్నారు.
ఇదిలా ఉంటే రుణాలతో పాటు క్రెడిట్ కార్డులు, డెబిట్ కార్డులపై కూడా ఆఫర్లు వస్తున్నాయి. క్రెడిట్ కార్డులపై బ్యాంకులు అనేక ఆఫర్లను అందిస్తున్నాయి. ఫ్లిప్‌కార్ట్ మరియు అమెజాన్ వంటి ఈ వాణిజ్య సైట్‌లలో, మీరు SBI కార్డ్‌తో కొనుగోలు చేస్తే వారు అదనంగా 10 శాతం తగ్గింపును అందిస్తారు. మొబైల్ ఫోన్లు, ల్యాప్‌టాప్‌లతో పాటు ఫ్యాషన్, ఫర్నీచర్‌పై కూడా రాయితీలు ఇస్తున్నారు. EMIలో కొనుగోలు చేసిన వారికి అదనపు క్యాష్‌బ్యాక్ ఆఫర్ చేయబడుతోంది. ఈ ఆఫర్ నవంబర్ 15 వరకు వర్తిస్తుంది.
