ఈ మధ్య కాలంలో రెగ్యులర్ గా పాలిష్ చేసిన వైట్ రైస్ తినడం వల్ల వాటిలో ఉండే అధిక కార్బోహైడ్రేట్ వల్ల శరీరానికి అనేక అనారోగ్య సమస్యలు వస్తాయి. వీటిని ఎక్కువగా తినడం వల్ల అందులోని కార్బోహైడ్రేట్స్ సమతుల్యంగా ఉండక బరువు పెరగడం, మలబద్ధకం, పొట్ట చుట్టూ కొవ్వు వంటి సమస్యలను ఎదుర్కోవాల్సి వస్తుంది. అంతేకాదు వీటిని తినడం వల్ల మన రక్తంలో గ్లూకోజ్ స్థాయిలు తగ్గుతాయి. ఇలాంటి సమస్యలకు చెక్ పెట్టేందుకు రెడ్ రైస్ చాలా మంచిదని డైట్ నిపుణులు చెబుతున్నారు. ఈ ఎర్రని అన్నం తింటే ఎలాంటి రోగాలు దూరం అవుతాయో తెలుసుకుందాం.
ఎర్ర బియ్యంలో ఆంథోసైనిన్ పుష్కలంగా ఉంటుంది, ఇది దాని అందమైన ఎరుపు రంగును ఇస్తుంది. అంతే కాకుండా ఇందులో బి1, బి2, క్యాల్షియం, ఐరన్ పుష్కలంగా ఉన్నాయి. ఇది యాంటీ ఫంగల్ మరియు యాంటీ ఇన్ఫ్లమేటరీ లక్షణాలను కలిగి ఉందని పరిశోధనల ద్వారా నిరూపించబడింది.
ఆయుర్వేద చికిత్సలో, ఈ బియ్యాన్ని రక్షలీ శంభోదిగా ఉపయోగిస్తారు.
రక్తహీనత తగ్గడానికి
రక్తహీనతతో బాధపడేవారికి ఎర్ర బియ్యంతో చేసిన ఆహారం ఇవ్వడం వల్ల ఇందులో ఐరన్ పుష్కలంగా ఉండటం వల్ల రక్తహీనత తగ్గుతుంది.
మధుమేహం తగ్గడానికి
సాధారణ తెల్ల బియ్యం తినడం వల్ల, రక్తంలో గ్లూకోజ్ స్థాయిలు పరిమితికి పెరుగుతాయి. దీని వల్ల మధుమేహం బారిన పడుతున్నాం. షుగర్ వ్యాధితో బాధపడేవారు కూడా ఎలాంటి భయం లేకుండా ఆహారంలో రెడ్ రైస్ తీసుకోవచ్చు.
గుండె జబ్బుల నివారణకు..
ఎర్ర బియ్యంలో సెలీనియం మరియు పొటాషియం అధికంగా ఉండటం వల్ల గుండె జబ్బులు వచ్చే అవకాశం తక్కువ. అయితే గుండె సమస్యలతో బాధపడే వారికి ఎర్ర బియ్యంతో చేసిన పదార్థాలు ఇవ్వడం చాలా మంచిది.
రోగ నిరోధక శక్తి పెరగాలంటే..
సీజనల్ వ్యాధులను తట్టుకోవడానికి మన శరీరంలో రోగనిరోధక శక్తి చాలా ముఖ్యం. అలాంటి వ్యాధి నిరోధక శక్తిని పెంచుకోవాలంటే రెడ్ రైస్ తీసుకోవడం చాలా మంచిది. ఇందులోని యాంటీ ఇన్ఫ్లమేటరీ మరియు యాంటీ ఫంగల్ లక్షణాలు రోగనిరోధక శక్తిని పెంచుతాయి.
కాల్షియం లోపాన్ని తగ్గించేందుకు..
అన్నం తినే ఆహారంలో సరైన కాల్షియం లేకపోవడం వల్ల చాలా మందికి కాల్షియం లోపం వచ్చి ఎముకలు పెళుసుగా మారుతాయి. అలాంటి వారికి ఎర్ర బియ్యంలో ఉండే క్యాల్షియం ఎంతగానో ఉపయోగపడుతుంది. ప్రతి ఒక్కరూ రెడ్ రైస్‌ను భోజనంగా తీసుకోవడం ద్వారా అనేక ఆరోగ్య ప్రయోజనాలను పొందవచ్చు.
