మీరు బీటెక్, పీజీ పూర్తి చేసి ఉద్యోగం కోసం చూస్తున్నారా? అయితే ప్రముఖ సాఫ్ట్‌వేర్ దిగ్గజం టాటా కన్సల్టెన్సీ సర్వీసెస్ (TCS) మీకోకు సువర్ణావకాశాన్ని అందిస్తోంది.
TCS NQT ఆఫ్ క్యాంపస్ డిజిటల్ హైరింగ్ కోసం దరఖాస్తులను ఆహ్వానిస్తోంది. మీరు ఈ పరీక్షలో అర్హత సాధిస్తే… TCS, TVS Motors, Jio, Asian Paints సహా దాదాపు 2700+ IT మరియు IT యేతర కార్పొరేట్ కంపెనీల్లో 1.6 లక్షలకు పైగా ఉద్యోగాలను పొందేందుకు ఇది మిమ్మల్ని చేరువ చేస్తుంది. రూ.19 లక్షల వరకు వార్షిక ప్యాకేజీతో ఉద్యోగం పొందవచ్చు. TCS NQT పరీక్ష గురించి కొన్ని ముఖ్యాంశాలు..
అభ్యర్థులు ముందుగా నేషనల్ క్వాలిఫైయర్ టెస్ట్ (TCS NQT) కోసం ఆన్‌లైన్‌లో దరఖాస్తు చేసుకోవాలి. అందులో మంచి స్కోరు సాధించాలి. ఈ పరీక్షలో చూపిన ప్రతిభ ఆధారంగా వివిధ కంపెనీల్లో ఉద్యోగాలకు దరఖాస్తు చేసుకుంటే కంపెనీలు ఇంటర్వ్యూలు నిర్వహించి ఉద్యోగాలను ఎంపిక చేసుకుంటాయి.
డిసెంబర్‌లో జరిగే పరీక్షకు నవంబర్ 27లోగా దరఖాస్తు చేసుకోవాలి.
పరీక్ష తేదీ: పరీక్ష డిసెంబర్ 9న నిర్వహించబడుతుంది.
ఈ పరీక్షకు ఎవరు దరఖాస్తు చేసుకోవచ్చు?: 2018 -2024 B.Tech విద్యార్థులు ఉత్తీర్ణులు. ప్రీ-ఫైనల్ లేదా ఫైనల్ ఎగ్జామ్ రాస్తున్న యూజీ, పీజీ, డిప్లొమా విద్యార్థులు. రెండేళ్లకు మించని పని అనుభవం ఉన్నవారు కూడా ఈ పరీక్ష రాయడానికి అర్హులు.
వయోపరిమితి: అభ్యర్థుల వయస్సు కనీసం 17 సంవత్సరాలు ఉండాలి. గరిష్టంగా 30 ఏళ్లు మించకూడదు.
TCS NQTలో పొందిన స్కోర్ రెండేళ్లు మాత్రమే చెల్లుబాటు అవుతుంది. మీరు మీ స్కోర్‌ను మెరుగుపరచుకోవాలనుకున్నన్ని సార్లు పరీక్షను తిరిగి తీసుకోవచ్చు. అభ్యర్థి సాధించిన ఉత్తమ స్కోర్ మాత్రమే పరిగణించబడుతుంది.
పరీక్ష రాసిన తర్వాత, ఫలితం మీ రిజిస్టర్డ్ ఇమెయిల్ ఐడికి పంపబడుతుంది. మీరు మీ స్కోర్ కార్డ్‌ని డౌన్‌లోడ్ చేసుకోవచ్చు.
ఈ పరీక్షకు కటాఫ్ మార్కులు ఉండవు. అభ్యర్థుల ఆప్టిట్యూడ్‌ని చూపించడానికి ఈ పరీక్షకు కటాఫ్ స్కోర్ లేదా పాస్/ఫెయిల్ ప్రమాణాలు లేవు. వివిధ సబ్జెక్టుల్లో అభ్యర్థుల సామర్థ్యాన్ని ఎప్పటికప్పుడు అంచనా వేసి స్కోర్ చేస్తారు.
TCS NQTలో స్కోర్ చేసిన అభ్యర్థులకు ఖచ్చితంగా ఉద్యోగం వస్తుందని చెప్పలేము. ఈ స్కోర్‌తో అభ్యర్థికి ఉద్యోగం వచ్చే అవకాశాలు మెరుగ్గా ఉన్నాయి. తుది ఎంపిక సంబంధిత సంస్థల ప్రాధాన్యతపై ఆధారపడి ఉంటుందని గుర్తుంచుకోవాలి.
దేశంలోని వివిధ నిర్దేశిత పరీక్షా కేంద్రాలలో ప్రతి 4 వారాలకు ఈ పరీక్షలు షెడ్యూల్ చేయబడతాయి. TCS NQT స్కోర్‌కార్డ్ పరీక్షలోని ప్రతి విభాగంలో అభ్యర్థుల పనితీరును సూచిస్తుంది. ఇతర కార్పొరేట్‌లలో ఉద్యోగాలకు కూడా TCS NQT స్కోర్ దరఖాస్తు చేసుకోవచ్చు.
ఈ పరీక్ష ఆంగ్లంలో ఉంటుంది. నెగెటివ్ మార్కులు ఉండవు.
ఈ పరీక్షలో అక్రమాలకు పాల్పడిన అభ్యర్థులను ఒక సంవత్సరం పాటు పరీక్ష రాయడానికి అనుమతించరు. కింది లింక్‌పై క్లిక్ చేయడం ద్వారా పూర్తి వివరాలను చూడవచ్చు.
